La Usc di Ladins

Al é gnü cherdé a sostituí Giuliano Razzoli, che ne sciafiâ incö nia da pié ia. Tobias Kastlunger d'Al Plan de Mareo á insciö desfiré le slalom strënt a Val d'Isere. Pian ia cun le numer 67 ti él garaté da se cualifiché por la secunda proa, pro chëra che al á dé gas, sfrutan al mascim le numer de partënza y les bunes condiziuns dla pista. Cun le secundo miú tëmp de manche, ál insciö concuisté n buniscimo 10. post y i pröms punc te Copa dl Monn. La sajun â bele metü man bun por l'atlet marou, che â ince bele arjunt n bun 6. post tl slalom lerch de Copa Europa a Gurgl, sté ai pröms de dezëmber. I atri atlec ladins, le fascian Stefano Gross é rové al 23. post y le gherdëna Alex Vinatzer é tomé fora tla secunda proa.

La gara é gnüda davagnada da Lucas Braathen (Novegia), secundo post por Manuel Feller (Austria) y terzo Loic Meillard (Svizera).

Deplü tla ediziun stampada d'La Usc di Ladins.  (kp)