La Usc di Ladins

Taca ite con n pont l campionat per l Fascia Balon, ajache l à parejà per 1 a 1 contra l Perjen.

Ti prumes menuc l é l ciamp che à la miec e nesciuna de le doi squadre la é bona de ge dar cruzies a le defendure, mingol miec i joegn fascegn che tegn de più l balon ma zenza brincar mai l usc. 

Do trenta menuc rua la pruma ocajion de la endesfida per i ghesć, che i desfruta n contropé per meter l balon junsom al sach con na trata da tanche fora da l’area de rigor che l joen portier fascian Simone Rasom de Rajum no l é bon de ciapar. 

Do aer ciapà l gol, Trottner e compagnes proa sobito a drezar l resultat e a cinch menuc da la fin del prum temp rua na gran ocajion con la trata da cet de Sebastiano Rasom de Gotart che fenesc pech dalonc dal remenat a man cencia del portier ghest. 

Ti secondi 45 menuc de la endesfida l é i ladins che comana l jech e i valsuganoc che se defen. 

Podede lejer dut su La usc stampèda de vender ai 8 de setember. I fascegn proarà a portar a ciasa i 3 ponc en domenia da le 4 contra l Tesino, semper al Cotura.  (Pierpaolo Rasom)