La Usc di Ladins

La Scolines provinzièles de la Scola Ladina de Fascia, co la coordenadora pedagogica Tatiana Soraperra, les é states toutes ite ti egn passé te n projet sul bilinguism de n grop de enrescidores col professor Michele Daloiso. Aldò de chela enrescida l é peà via n cors de formazion con la maestres de la trei scolines de Soraga, Pera e Cianacei, portà inant da la esperta del staff de Daloiso, Paola Celentin. Enstadì te la scolina de Soraga l percors fat via per chest an se à serà su con na bela festa per i picioi de duta trei la scolines. Se aon fat contèr de più da la maestra Margherita Chiocchetti.

»Le neve indicazion del professor Daloiso – la ne à dit – le disc che l’educazion te più lengac vegne fata doran talian e ladin ma ence autres lengac, a na vida complementara, no descheche se fajea ti egn passé fissan n temp o na persona per ogne lengaz. A chesta maniera i bec i empara a se aidar te la comunicazion duran duc i lengac. Chest l é de utol soraldut ades che semper più de spes a la scolina rua ence bec de familie che vegn da foradecà, e i cogn emparar tant l ladin che l talian che a ciasa no i rejona. Se à vedù che con chest sistem la partezipazon de chisc picioi la é semper più ativa e i pol se aidar un col auter doran l lengaz che i cognosc miec. Chest dal pont de veduda educatif l é n muie emportant...«

Se pel lejer dut su La Usc nr 21 dai 6 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Lucia Gross)