La Usc di Ladins

Na setemana dassen positiva per l Fascia Balon de gra ai 4 ponc maduré, contra l Fiem en mercol sera e contra l Porfido Albian te la partida de en domenia. 
En mercol sera i bec de mister Capovilla taca sobito ben contra l Fiem e do cinch menuc rua l gol fascian con Alessandro Crepaz che desfruta n bel assist de Massimo Lorenz de Meca e tedant al portier no l bazila e l met l balon te sach.
En domenia i ladins é jic en trasferta contra l Porfido Albian. Ti prumes menuc l é Trottner e compagnes che part miec e do 5 menuc rua l prum gol fascian con Michele Petrone del Pat che da doi pasc met te sach l balon degra al bel assist de Massimo Lorenz.

Se pel lejer la cronaca de la partides, la classifica e i resultac de la squadres mendres su La Usc nr 41 dai 24 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Pierpaolo Rasom)