La Usc di Ladins

Do n istà de gran lurier atletich e tecnich, l Ski & Ice College de Fascia fèsc l pont de l’atività fata te chisc prumes meisc e sui programes per chi che vegn.

Via per i meisc da d’istà i studenc-atlec se à dat ju tant con l arcedament fisich che col lurier sui schi. Coi arcedadores Roberto Pasero e Simone Mastrobattista i à tout pèrt a trei momenc dediché ai test atletics anter l zenter sportif de Pardac e la palestra de la scola. Endèna l é stat endrezà ence trei binèdes sui giacees, che é fondamentèles per mantegnir l contat con la neif e lurèr su la tecnica. 
Via per chest meis de otober l grop de na carantina de atlec-studenc à fat doi sortides de arcedamenc più lonc, un a Saas Fee te la Svizra e un a la Snow Arena te la Lituania.
»L é stat la pruma outa che aon endrezà chest arcedament de na setemèna te la Litunia – ne à contà l referent sportif e raprejentant di arcedadores Stefano Brigadoi. En dut i studenc era de 24, da la pruma a la quinta clasc, fora che la touses de pruma e seconda che les é jites enveze sul Senales ajache l portoi te la Snow Arena l é belebon senester e per eles, che l era sia pruma esperienza, aon cernù zeche de manco empegnatif.«

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)