La Usc di Ladins

Emozions y legrëza sun la dlacia per la atletes ladines
A Persenon iel n dumënia stat la cuinta edizion dl Helmuth Kerer Cup, na garejeda de jadiné artistich per mutans y mutons cun de biei resultac per la atletes ladines

Passa doicënt atlec y atletes da dut l Trivenet à fat pea pra la cuinta edizion dl Helmuth Kerer Cup a Persenon n dumënia ai 8 de fauré. L se tratova de na garejeda de jadiné artistich dla fascia gold per mutans y mutons. L ie stat n di plën de emozions per la pitla atletes y i atlec, che à jadinà cun gran pascion.

Per l Eis Club Gherdëina àl de ndut fat pea nuef mutans. I miëur resultac à arjont Laila Burger, che à venciù tla categuria "over 13" y Nina Perathoner che ie ruveda terza tla categuria "debutanc B".

Nce l Ice Club Alta Badia à fat pea cun truepa atletes, che à desmustrà de pudëi tenì pea cun la miëures.

EK

L articul tla edizion atuela de La Usc di Ladins.