La Usc di Ladins

Cuanto contera ra man, par ra vita de ‘na parsona. Co ra man se fesc duto, ma se pó anche dorà sta parola par se spiegà meo. Dià ‘na man, o dà ‘na man, se ‘l fesc canche calchedun à biśoin. Coscita mangare se laora in drio man. Se ‘pò un ‘l à ra man da zapin, cisà ce laoro che el và adora a fei. Ma anche se r’é pizora, và ben isteso, che ‘na man laa r’outra, e duta does laa el mus. In on does, una man dreta e una man zanca, che se pó anche dì rea man, che vó anche dì a redos, a zesacù. Sote man vó dì de scondon. Tirà da ‘na man, se intende costrenśe calchedun a fei algo che el no vorarae.

De plu tla edizion stampeda de La Usc di Ladins o sun l e-paper a paiament www.lausc.it/e-paper