La Usc di Ladins

E mia solo a chi de Anpezo, basta vardà chi tre librete »A spas per la Ladinia« scrite dal fascian Fernando Brunel, che calche pasc ‘l à fato, in śiro par ra nostra val, su ra nostra crodes. Dapò ‘l é i turistes, i foreste, che i ciata 420 chilometre, ben segnade e nete. Par mantegnì chi troes vó ese un gran laoro, de trope vorentie. Ra sezion de Anpezo de el Club alpin ra ciama ogni an a i dià ‘na man, e trope responde. Sta ota se se ciata danoo del sabeda, ai 3 de śugno. Alolo bonora dares 8 se rua là da ra stazion, par dapò moe in śiro, partide in scuadres, agnó che ocore. Fenì el laoro se se ciata, dute aduna, par un bon disnà. D’outon se moarà danoo par i troes, par un’outra śornada de curadizo, ignante de ‘l inverno.

De plu tla edizion stampeda de La Usc di Ladins o sun l e-paper a paiament www.lausc.it/e-paper