La Usc di Ladins

No n’é da strazà sode e da fruà outra tera, par fei su un inpianto noo da fei sport. Pi che see canche no se sà ancora cemodo che i fajarà a fei śì inaante na machina che costarà un grun de sode. E tanto pi ste dis, che no se sà ancora se i fajarà el laoro.
Par duto chesto, e outro pede, i s’à ciatà in piaza, in Anpezo, domegna ai 24 de setenbre, par ra manifestazion contra ra pista de Ronco, da fei su par i Śoghe olimpiche e paralimpiche d’inverno 2026, da fei ra gares de bob, skeleton e cocio. I é ruade in Anpezo da duto el Veneto e da fora rejon, anche da Pustertal e Tirol. Da Bolzan i à dito danoo de dorà ra pista de Innsbruck, inveze de in fei su una noa, coscita da sparagnà un grun de sode. Duta ra parsones che à parlà, de trope partite e asociazios de politica e anbientalismo, ‘s é contra ra aministrazios e i governe, de ‘l paes, de ra rejon, de el stato. I à dito pichesee de cuanto che costarà i laore, de cuanto che i betarà a i fei, ades che ‘l é senpre depì prescia. Ogni di ‘l é un di demanco. De chi cuaranta mesc che i pensaa de dorà, da fei el laoro, ades in vanza ben poche, par aé ra pista da podé dorà de febraro del 2025, da fei duta ra proes ignante de i Śoghe, e ‘l à da ese duto fenì par i 15 de noenbre del 2025, che de febraro 2026 ‘l é ra gares.

Deplù te la edizion dl vender, 29 de setember.