La Usc di Ladins

Ades i ufizie i é inze ra Ciaśa de ra Postes, fata su par ra Olimpiades 1956; ra so ma­chines ‘s é indalonśe, al Ponte de ra Zesa; i alośe i é scarade fora, intrà Anpezo e Dan Vido. Inze ‘l ultimo consilio de comun, ai 6 de otobre, el capocomun Gianluca Lorenzi Chenopo ‘l à dito: »M’à scrito el prefeto da Belun, par me domandà canche se fajarà ste laore, pichesee chi par ra polizia. Sarà el prin che fajaron: spero che se pode scomenzà del 2024«.
El loudaduó Stefano Ghezze Ghezo ‘l à śontà: »Ignante de duto se fajarà chel che ocore a ra polizia e ches’outra ciaśes par el comun, da comedà fora cheres che ‘l é. Dapò se pensarà a fei su ra ciaśa noes, ‘l hotel, i luoghe da bete ra machines«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper