La Usc di Ladins

I doi dotore de ra besties Fabio Frison e Alessandro Siorpaes i podarà śì inaante a lourà in Anpezo, inze a Fiames, fin ai 20 de jenaro che vien. I restarà inze chera baraca de len, de el vecio aeroporto, agnó che i é ruade d'istade, canche i à parade via da 'l anbulatorio agnó che i ea inze da anes, sote el piazal de Revis, pede ra vecia Polveriera. Là i à petà śo duto, par fei su chel inpianto noo, che ruarà su in Ria de Saco, intrà ra pistes da schie de Socrepes. Dinprin el Comun de Anpezo 'l aea dito che i sarae stade a Fiames fin ai 30 de noenbre, par dapò ruà a Socus, inze el magaśen noo. A vardà drio polito ra cartes, i s'à incorto che no se pó fei coscita, no se pó i bete inze chel magaśen, coscita ades i é drio a śì a vede de un outro luó.

De plu tla edizion stampeda de La Usc di Ladins o sun l e-paper a paiament www.lausc.it/e-paper