Sorastant: na encèria emportanta e delicata

Data

11 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’Union di Ladins de Fascia domana che chesta nomina strategica per l davegnir de la Scola e de duta la comunanza de Fascia vegne fata con atenzion tegnan cont de la realtà de noscia val
Tel meis de aost la professora Mirella Florian fenirà sia encèria desche Sorastanta, dò 12 egn de empegn a la vida de la Scola Ladina de Fascia. Chi vegnarèl nominà a so post te chest ruol tant emportant per l davegnir, no demò de la Scola ma de duta la comunanza de Fascia?
Aldò de la Lege Provinzièla nr 5 dai 7 de aost 2006 sul sistem educatif de istruzion e formazion del Trentin, l Sorastant é nominà da la Provinzia en cordanza con l Comun General de Fascia, anter l personal scrit ite a l’albo di dirigenc de la istituzions scolastiches e formatives e en possess de l’atestat de cognoscenza del ladin, o en alternativa pel vegnir dat sù na encèria de 5 egn, da poder renovèr, a chi che venc n concors per titoi e ejames endrezà aposta o fat n contrat de lurier de regnèda fin a 5 egn a na persona che à i requisic pervedui.
Fin ades no se sà amò nia de ofizial che sie stat fat vèlch vèrech per chesta nomina tant emportanta, alincontra l’é jit stroz la ousc che la direzion de duta la Scola de Fascia podessa vegnir data sù »en reggenza« al dirigent che cogn jà se cruzièr de la Scola autes de Fiem.
Per chest l’Union di Ladins de Fascia enstadì l’à manà na letra a la Procuradora del Comun General de Fascia e a l’assessor e al dirigent a l’istruzion de la Provinzia de Trent.

Podede troèr la letra su La Usc nr. 27 de vender ai 10 de messèl