Moment de bilanz e de renovament de la encèries ence per l’ADVSP intercomprensorièla, la sociazion donatores volontadives de sanch e plasma de la valèdes de la Veisc. En sabeda ai 3 de otober forin Juan se à binà la radunanza e chiò, apede a aproèr l bilanz del 2019, l’é stat ence lità l nef diretif che resta en cèria fin del 2022.
L nef diretif, chiamà ite en lunesc ai 19 de otober, à nominà i neves raprejentanc. Conferma per l president Clerio Bertoluzza che l’é ence president del grop donatores de Tieser, secretèr l’é stat lità Andrea Detomas comember del diretif ADVSP de la Val de Sora, aministradora l’é stat metù Elisa Borgato del grop de Ciavaleis. I conseieres l’é Marco Ferreri del grop de Poza, Romina Felicetti comembra del diretif del grop de la Val de Sora, Alessandra Ganz presidenta del grop de la Val de Sora e coordenadora di gropes de Fascia, Gianluigi Pellegrin del grop de Moena, Gianni Giacomuzzi president del grop de Ciavaleis, Alice Bertoluzza del grop de Tieser e Daniela Montagna presidenta del grop de Trodena. Coordenadora di gropes de Fascia e Fiem l’é stat confermà Teresa Mich e l revisor di conc l’é Christian Larger.
De più su La Usc 43 di 30 de otober
(Monica Cigolla)
