La Usc di Ladins

Dò n an te chel che duc aon padì manconies, malatìa e solentum e n Nadèl olache aon descorì endodanef i valores de la familia, no pel esser nia de più bel che na neva vita per se orir con fiduzia e legreza a l’an tanche scomenzà.
A ciaval anter l 2020 e l 2021 Fascia é stata viventèda da doi neves pìcoi sentadins, l’ultim nasciù de l’an passà l’é ruà adalèrch tel comun de Mazin ai 31 de dezember e ai 2 de jené a Pera l’é ruà l picol Gioele, portan tanta legreza tel cher de si genitores Chiara e Samuele Secchi, del fra Noah, e de duc chi de cèsa.
N bel segn de speranza per duta la comunanza de Fascia: la vita va semper inant e la seghita a ne portèr dons preziousc.
Augures de cher donca a chisc picioi e a duc chi nsciui chisc meisc passé o che ruarà adalèrch te chisc meisc che vegn, e a sia families, da man de duta la redazion de La Usc di Ladins.