La Usc di Ladins

Somea che la se slontane semper de più la data de scomenz de la sajon dai schi perveduda con l’ultim Dpcm per i 18 de jené. »No aon amò ciapà nesciuna comunicazion ofizièla, speton la valutazions del Comitat tecnich scientifich nazionèl e l nef Dpcm.« La presidenta del Consorzie impianc portamont Fascia-Ciareja Elisa Maccagni, che aon sentù al telefon angern, mèrtesc ai 12 de jené, no scon l cruzie per chesta situazion de malsegureza. Ence percheche no l'é amò a la leta la valutazions del Comitat tecnich scientifich en merit a la respostes de la Regions a la osservazions che l medemo Comitat aea uzà fora amò inant Nadèl.

»L Cts aea domanà n contingentament de la prejenzes sui portoes da schi - à dit la presidenta Maccagni - e sun chest sion dò che luron. La setemèna passèda aon chiamà ite na scontrèda con l’Asat de la Val de Sora e del Zenter Fascia e con l’Unat (la sociazions de hotelieres) per i meter en consaputa de la regolamentazion e de la limitazion di schiadores. Sion dò che luron con duta l’autoritèdes competentes locales e con l’Azienda sanitèra per meter jù n projet. L Servije Turism ne à domanà de endrezèr n sistem che dombre daperdut tel valif temp l numer de schiadores ma no l’é sorì l fèr te n zircuit olache vegn ite e va fora schiadores da n muie de lesc. E dapò se cogn vardèr de spartir anter desvaliva sorts de biliec e gestir chi che vegn venù dì per dì, dut chest domana n gran sforz de endrez, sion dò che luron a livel tecnologich.»

La sozietèdes de impianc portamont fèsc dut l possibol per ge jir dò a la osservazions del Cts. Ma sarèl assà per orir?

De più su La Usc stampèda de en vender ai 15 de jené del 2021.  (Monica Cigolla)