La Usc di Ladins

Ai 21 de messèl l professor Federico Corradini à vent l concors per l’encèria de Sorastant de la Scola ladina de Fascia e la setemèna dò l’à tacà a se fèr ite tel nef lurier, che segur no l’é scempie, de responsabol de l’istituzion formativa de val, che la tol ite duta la scoles da la populères a la scola auta e ence la scolines provinzièles: con zirca 200 dozenc e 100 aministratives e presciapech 1000 scolees e studenc l’é la maor azienda de Fascia.

La Scola ladina de Fascia orirà si ujes en lunesc ai 13 de setember e l prum de setember Federico Corradini ciaparà ofizialmenter ‘la chieves’ da Claudio Valentini, che l’à manà inant l’istituzion desche sostitut Sorastant te l’ultim an. Chel medemo dì sarà la pruma radunanza de duc i dozenc. Aon rejonà con l professor Corradini per saer coche l se endreza al nef an de scola che tacarà te doi setemènes.

Duta l'intervista é da poder lejer su La Usc stampèda de vender ai 27 de aost.  (Lucia Gross)