La Usc di Ladins

November l era l meis de la Festa de la jent de età de Cianacei endrezèda dai coghi e dai volontadives del Club Pietrone con l contribut del Comun de Cianacei e de la cater Frazions (Cianacei, Gries, Dèlba e Penia). Ampò, descheche l é stat l an passà se cognarà renunzièr ence chest an: no l é amò la condizions e no fossa nience medemo se troèr con couribocia e dalènc… amò apede con la poura de se malèr.
La presidenta Monica Zanett de Cont da Penia ampò no la se desmentia de sia comunanza e do na lingia de telefonèdes a si volontadives l à endrezà n don spezièl ence chest an: na sportola duta ladina con su i inomes di lesc de nosc raion vegnuda ca dal Istitut Cultural Ladin Micurà de Rü, con ite n fior dut da color, na publicazion data da l’Union di Ladins de Fascia, n golous pan douc fat dal pech Boninsegna, na biro da la Cassa Rurala e n pontapiet fat dut a man da Erna badiota de Florian Ciadin. N segn de union, de vejinanza e n augurie de sanità che a inom de dut l Grop, la presidenta ge sporc a duc i »over 65« del Comun de Cianacei, ensema col develpai a la Sitc de Cianacei, a la Cassa Rurala Dolomites, al Comun e a la cater Frazions de Cianacei, a l’Union di Ladins de Fascia, al Istitut Micurà de Rü, al pech Boninsegna e a don Mario.

De più su La Usc stampèda de vender ai 19 de november.  (VR)