La Usc di Ladins

»Devalpai a duc!« Con cheste parole per fascian suor Daniela à saludà la comunanza de Poza en sabeda ai 28 de mé te la messa de le 6 da sera. 

Canche l an passà aane saludà Suor Livia - à dit per talian la monia che del 2020 era ruada a Poza desche Superiora de la Ciasa de le monie de la Sacra Familia de Nazareth – l era demò n an che ere chiò, e i me à dit »tu cogne emparar a rejonar fascian, per canche tu cognaras ne salutar«. Pissae de aer più temp, enveze l é jà ora de me n jir, e l fascian no l é amò emparà. 

Ampò te chisc 2 egn suor Daniela à emparà pian pian a cognoscer la comunanza de Poza, i bec de la catechesi e de la Pruma Confescion e Comunion, i ciantores e duc chi che deida. A dute cheste persone la ge à sport sie salut, sie devalpai e n braciacol emozionà. E ben segur a Don Andrea.

De più su La Usc stampèda de vender ai 3 de jugn.  (Lucia Gross)