La Usc di Ladins

»L enduro l é esplorazion, fadia, adrenalina ma soraldut condivijion. Te Fascia chi che tol pèrt a la garejèdes, ence da amator, se porta a cèsa na esperienza che resta. L é na vida direta, fisica, vera, per descorir la mont e la viver con consapevoleza«. L é la paroles de William Basilico, diretor de gara de la WHOOP UCI Mountain Bike World Series che sarà te Fascia dai 27 ai 29 de jugn.

Do i Mondièi de enduro del 2024, chest an Cianacei ge dèsc lèrga a la quinta tapa de la Copa del Mond de enduro. I miores spezialisć de chesta disciplina se endesfidarà te doi dis de gara per la categoria élite e al medemo temp ence i amatores arà l met de tor pèrt a la Enduro Open, sul medemo percors, en sabeda ai 28 de jugn.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (MCI)