La Usc di Ladins

L istà bel pian pian l é do che l va a piz e i joenec che chest istà à tout pèrt a Cistà segur no i se desmentiarà en prescia de dut l grum de scomenzadives che ge à endrezà l grop feruscol de animatores. Anter raides sa mont e ativitèdes te senta del oratorie de Poza, na cincantina de ic e eles à abù l met de tor pèrt ence a n cors de manutenzion di troes de noscia val.

L’idea é nasciuda da Domenico Sighel, responsabol di troes de la SAT, che n à rejonà col president del grop de Moena Gilberto Bonani e la presidenta del grop de la Val de sora Licia Favé. L obietif l era chel de ge moscèr ai joenec coche vegn mantegnù i vièi e i troes da mont, coche vegn fat la tabeles e i segnèi e ge fèr entener l’emportanza del lurier di volontadives che vèrda de i tegnir semper a post e rencuré per la segureza de duc.

De più su La Usc stampèda de vender ai 2 de setember.

 (Monica Cigolla)