La Usc di Ladins

La palesa gran sodesfazion la fascèna Elena Testor che per la seconda outa la é stata litèda al Senat de la Republica. Candidata con la coalizion del Zenter Dreta tel colege de Perjen l’à ciapà 27.364 stimes (44,03%) e l’à passà via l candidat de Alleanza Democratica per l’Autonomia Michele Sartori che l n à ciapà 19.314 (31,08%).

Testor l’à abù n gran bon resultat te sia val olache l’à ciapà 2.789 stimes valides, l 59,69% contra 1.012 (21,66%) de la coliazion del Zenter Cencia.

A Soraga l à ciapà l 65,71%, a Cianacei l 64,33%, a Mazin l 62,37%, a Sèn Jan l 59,95%, a Moena l 55,02% e a Ciampedel, sie paisc, l 54,89%.

»Son contenta perché l resultat de la urnes me à atestà na stima di sentadins che me fèsc esser stolza - à dit Testor. Chest resultat l é ence l segn de continuità, de aer mantegnù la fiduzia di litadores, chest l é n gran recognosciment da man de la jent. L emportant l é che l Zenter Dreta à vent e che aron n Goern de Zenter Dreta, nos sion daite de la coalizion e faron valer la idees de la Lega daite de la coalizion che goernarà la Tèlia.«

Duta la intervista a la Senatora Elena Testor su La Usc stampèda de en vender ai 30 de setember.

 (Monica Cigolla)