La Usc di Ladins

"Uomo avvisato, mezzo salvato"!. Chëstes é les parores che le polizist dl Comun de Badia Franz Dapoz m’á dit ala fin di agn Nonanta. Al m’â tigní sö a La Ila, deache i jô massa debota. Iö laurâ ciamó a San Ciascian y â da püch fat la patent. Al ne m’â dé degöna straufunga, en chël iade, mo al m’á dé da intëne che al fajô söl scerio. Chësc me recordi ciamó incö y al m’á trasmetü n cer’ respet. Chësta picia storia ne ti ái nia cunté a Franz Dapoz, canche i s’un incunté l’edema passada. Cun i 11 d’agost él ofizialmënter jü en ponsiun. Al â metü man so laur al 1. de jügn dl 1988, sciöche pröm polizist tla storia dl Comun de Badia. Do 37 agn de sorvisc ál sëgn podü mëte la parota te cassëta. Por nos na ocajiun da s’la cunté impara de co che döt á metü man, de ci che s’á mudé, de desfides y ligrëzes, y ince de val’ situaziun particolara.

La intervista impara ciafëise t’La Usc di Ladins di 29 d’agost  (pablo)