La Usc di Ladins

Con en mercol ai 19 de otober l é pontà via l nef an de scola de l’Università de la Terza Età e del Temp Desponibol. I é 56 i studenc e la studentes che con gran gaissa e enteres se à scrit ite chest an a la lezions che vegn fates de mercol e de vender te sala de Consei de Comun de Sèn Jan.

L’Università de la Terza Età l é n servije emportant che vegn endrezà dai Comuns de Fascia, con dantfora chel de Sèn Jan, e l sostegn del Comun General. L ge sporc l met ence a la jent grana de tor su de neva competenzes per l lurier ma ence de neva cognoscenzes de cultura individuèla e de enteres personal per l miorament de sia condizions de vita.

L’U.T.E.T.D. l é na scomenzadiva de la Fondazion Franco Demarchi envièda via jà del 1979 che ogne an doventa più rica con neves scric ite e con la proponetes semper atuèles.


De più su La Usc stampèda de vender ai 28 de otober.  (mci)