La Usc di Ladins

N gran artist de noscia val vegn recordà e onorà a Trent con na esposizion te Palaz Trentini. Na mostra de scultures de Rinaldo Reinhold Cigolla da Cianacei é stata orida ofizialmenter en vender ai 21 de otober te la prestigiousa senta de via Manci, per endrez del Consei provinzièl e su spenta del conseier ladin Luca Guglielmi, che l se aea metù dant chest obietif desche n empegn moral per respetèr na volontà del artist de Cianacei a chel che l se sent n muie leà.

L alestiment de la esposizion é stat pissà da la fia de Reinhold, Anastasia Cigolla, che a l’inaudazion l’à podù ge fèr cognoscer la fegura e l’opera de sie père al publich e a l’autoritèdes entervegnudes, dal president del Consei provinzièl Walter Kaswalder e l’assessor regionèl Lorenzo Ossanna ai maores raprejentanc fascegn: la senatora Elena Testor, l procurador Giuseppe Detomas e ben segur l jà nominà conseier ladin Luca Guglielmi: duc à sotrissà l valor artistich e uman de Cigolla. 

De più su La Usc stampèda de vender ai 28 de otober.  (LG)