Maratona e volontariat per netèr su la val

Data

05 de mei 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 29 de oril la ecomaratona de sensibilisazion ambientèla de Roberto Cavallo à passà fora duc i paijes de Fascia; a Sèn Jan e a Soraga l é stat ence la giornèda ecologica, ocajion per fèr netijia e comunanza.

Chest an la ecomaratona Keep Claean and Run é peèda via sun Marmolèda e l’à passà fora duta Fascia per jir dapò travers l Trentin fin te la Lombardia, te la provinzies de Brescia e Bergamo. Chesta 9^ edizion se à dejout te 7 tapes e apontin anché, vender ai 5 de mé, la rua a sia conclujion a Gandino (BG).
I ecorunners à fat la pruma fermèda a Cianacei te piaz Marconi, olache a i spetèr l era l ombolt Giovanni Bernard e l vizeombolt Dimitri Demarchi, ajache l Comun de Cianacei, desche etres Comuns de Fascia, ge à dat sie patrozinie a chesta scomenzadiva.
La maratona é jita inant enscin a Sèn Jan e dapò a Soraga, olache la aministrazions de Comun, per ge dèr maor valor a chest event, les à cernù de endrezèr apontin ai 29 de oril la giornèda ecologica con la sociazions de si paijes.

De più su La Usc stampèda de vender ai 5 de mé.

 (Lucia Gross)