L é stat n bel moment de recognosciment, chel che en sabeda ai 29 de oril é stat endrezà a Trent al zenter congresc Erickson, al scomenz de la radunanza di deleghé de la SAT de dut l Trentin.
La presidenta de la SAT Trentina Anna Facchini ge à sport al Socors Auta Fascia n pest metù a la leta da la Fondazion Larcher per l gran intervent e duta la azion portèda inant en ocajion de la levina sun Marmolèda che ai 3 de messèl del an passà ge à tout la vita a 11 persones.
L é stat n event dramatich che à comportà n gran empegn fisich e emotif de duc i socoridores che merita de vegnir recordà, per chest al capostazion del Socors da Mont Auta Fascia, Stefano Coter, ge é stat consegnà chest pest, che à l valor economich de mile euro ma n valor simbolich n muie maor.
Coter à rengrazià palesan sia sodesfazion per chest pest che recognosc l lurier empegnatif, senester e prezious de duc i volontadives e i esperc del Socors.
De più su La Usc stampèda de vender ai 5 de mé. (Lucia Gross)
Premià a Trent l Socors Auta Fascia
A la radunanza di deleghé de la SAT del Trentin la presidenta Anna Facchini ge à consegnà al capostazion Stefano Coter l pest, economich ma soraldut simbolich, per si empegn sun Marmolèda.
Galaria retrac
View the embedded image gallery online at:
https://www.lausc.it/valedes-ladines/fascia/23558-premia-a-trent-l-socors-auta-fascia#sigProId52cf3479ed
https://www.lausc.it/valedes-ladines/fascia/23558-premia-a-trent-l-socors-auta-fascia#sigProId52cf3479ed