L é n raport strent, chel che Serenella Manfroi e Pietro Dell’Amico da Cianacei i porta inant da egn con la comunanza de Accumoli e di paijes vejins. Paijes che de aost del 2016 é stac dessaté dal teremot e olache amò anchecondì n muie de jent no à na cèsa e i cogn viver te n container, o i à cognù smendrèr sia atività de comerz e i stenta a jir inant.
Te la azions de solidarietà che Serenella e Pietro i porta inant per dèr na man olache l é de besegn, ence chiò entorn, jà ti meisc do chel gran teremot i se aea dat ju per binèr ensema didamenc sporc ence da la jent de Fascia e d’aisciuda del 2017 i era jic a i portèr te chela comunanzes.
Ti egn l raport é jit inant e i doi fascegn, per seghitèr a ge dèr n sostegn a chela popolazions, i se à pissà de les didèr a valorisèr ence te noscia val i prodoc de magnadiva locala de valuta.
De più su La Usc stampèda de vender ai 5 de mé. (LG)
N ‘bon’ aiut per la jent de Accumoli
N picol grop de fascegn é jit ti lesc teremoté del zenter de la Tèlia per portèr i didamenc biné su a vener te Fascia i prodoc de chi paijes.
Galaria retrac
View the embedded image gallery online at:
https://www.lausc.it/valedes-ladines/fascia/23577-n-bon-aiut-per-la-jent-de-accumoli#sigProId227ec23322
https://www.lausc.it/valedes-ladines/fascia/23577-n-bon-aiut-per-la-jent-de-accumoli#sigProId227ec23322