La Usc di Ladins

La radunanza di Studafech de Poza per l’aproazion del bilanz en lunesc ai 8 de mé l é stat l’ocajion per l Corp vidà dal comandant Andrea Winterle dei ge sporjer n bel recognosciment a trei componenc che, do aer arjont i 65 egn de età, no i pel più fèr pèrt ativa del grop.

Winterle à volù rengrazièr chisc studafech che per n muie de egn i se à dat ju, dant ti intervenc e dapò desche complement, portan ampò semper inant n servije prezious te la logistica, e l à cernù de endrezèr chest moment co la prejenza de duc i volontadives, acioche l posse esser de ejempie soraldut per i joegn. Con la stimes de duta la radunanza e l consens di trei enteressé l é stat deliberà la proponeta del Consei diretif de i nominèr Studafech onorères.

De più su La Usc stampèda de vender ai 12 de mé.  (Lucia Gross)