La Usc di Ladins

Chest an la festes di Sènc Felip e Giacum e de Sèn Florian, sul calandèr respetivamenter ai 3 e ai 4 de mé, se à destacà una da l’autra: se la sègra del patron de Cianacei é stata antizipèda al fin de setemèna dant, chela di doi apostoi che vèrda via Ciampedel é stata enveze sburlèda a la domenia do.

Ence chiò i Schuhplattler e i Studafech, col Comun de Ciampedel, i à volù fèr la robes en gran. L gran tendon é stat metù su jà n trat dant e l à empienì l Piaz de Ciampedel ensema con jeghes, de chi da n’outa desche i cheiles e l jech de la salaa, e de chi più neves de plastica, acioche gregn e picoi posse se goder, e ben segur l gloriet con la beandes.

L moment de maor emportanza l é stat sessaben en domenia da doman. Compagné da la Musega Auta Fascia e sia Marchetenderes, i Schuhplattler, i Studafech, i Schützen e l’autoritèdes da les 9 da doman é jic en defilèda fin sun gejia di doi Sènc onoré, olache l é stat ofizià na bela messa ence per ladin, con cianties, letura, orazions e na bela prozescion ofertorièla.

De più su La Usc stampèda de vender ai 12 de mé.  (Lucia Gross)