Jione a la chèrtes? Cotanta outes se l aone domanà te la seres freides da d’invern, bel al ciaut su per muscia de stua? Tirèr ca la chèrtes e se fèr na partida ades pel doventèr amò più gustegol.
L ofize di Servijes Linguistics e Culturèi del Comun General de Fascia à prejentà n nef projet »Chèrta fascènes: jièr a la chèrtes col Carnascèr e te la tradizions fascènes«. L é n nef maz de chèrtes, 40 en dut, studièdes fora, dessegnèdes e realisèdes coi simboi e i colores de la tradizions fascènes, en particolèr de chela maora, l Carnascèr.
La scomenzadiva é stata prejentèda en mèrtesc al prum de aost te sala de Consei del Comun General de Fascia da man del conseier de procura Amedeo Valentini che l é stat ence l ideator del projet.
De più su La Usc stampèda de vender ai 4 de aost. (Monica Cigolla)
Tira ca la chèrtes, chela fascènes
L conseier de procura Amedeo Valentini à prejentà, col artist Ismaele Soraperra, l nef projet dat fora dal ofize di Servijes Linguistics e Culturèi del Comun General de Fascia.
Galaria retrac
View the embedded image gallery online at:
https://www.lausc.it/valedes-ladines/fascia/24463-tira-ca-la-chertes-chela-fascenes#sigProIdc187091b09
https://www.lausc.it/valedes-ladines/fascia/24463-tira-ca-la-chertes-chela-fascenes#sigProIdc187091b09
