N gran batiman a nesc giaves e a sia beleza!

Data

23 de setember 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Cèsa de Paussa de Fascia à festejà l cedean con don Lauro Tisi e i preves, i aministradores, i ghesć, i lurieranc, i volontères e i alpins... e amò na bela gran torta e la notes de la Musega de Vich.


L é endò ciutà fora i couribocia en domenia ai 17 de setember, canche a Sèn Jan l é stat endrezà la festa per i 20 egn de la Cèsa de Paussa de Fascia. L Covid scomenza śirèr, e chel virus che oramai per grazia fèsc manco tema l é amò n pericol per la persones più scherpentes, descheche l é i ghesć de la Cèsa de Paussa. Che festa sie, donca, ma en duta segureza!

Per l’ocajion l é ruà da Trent ence l Piscop Lauro Tisi, che l à ofizià la messa da les 11 ensema con don Andrea, don Erminio e l diacon Antonio e con sia ousc forta e comentan l Vangele sul perdon l à rejonà de amor e riconciliazion de Die, che l é n Die-mère, e apontin desche na mère l ge vel e l ge volarà semper ben a si fies, aldelà de sia mencianzes: de chest l à dit, e l se à out soraldut ai ghesć de l’APSP – no cognon mai aer tema ne dubies! Te chesta cèsa perdon, riconciliazion, amor e solidarietà regna da 20 egn – l à dit don Lauro – se veit sia beleza, e la beleza de la memoria che nesc giaves ne testimoniea, donca – l à serà su sia perdicia – ge fajon n gran batiman a nesc giaves e a sia beleza! 

Tel gran piaz dedant a la strutura atrezèda per l’ocajion l era raprejentanc del Comun General, di Comuns, di Carabinieres, presidenc e diretores de la strutura di egn passé, esponenc de realtà del teritorie desche Rencureme, ghesć, parenc e volontadives.

De più su La Usc stampèda de vender ai 22 de setember.  (Lucia Gross)