La Usc di Ladins

L é passà beleche n an da canche l hotelier da Vich Guglielmo Lasagna l é stat lità president de l’Asat del zenter Fascia. Aon rejonà con el del turism te Fascia, de sia prospetives, de la litazions e de n muie de etres argomenc leé al davegnir de la val, anter duc l besegn de se parèr da la svenuda di hotie. 

Co éla jita chest istà con la sajon del turism?

Guglielmo Lasagna Speton i dac ofiziai de l’Apt de Fascia endana posse dir che chiò tel zenter Fascia aon n resultat valif o mingol sora chel del an passà ence tegnan cont del smaorament di priesc, donca se pel dir che l é stat na sajon ezelenta. La valutazion però demò col numer de la jent che rua e de le prejenze no vel dir nia. Noi desche Asat zenter Fascia sion ponté via l uton passà a dir che che volon del 2040 e l dat de prejenze e jent che rua no podon l valutar da soul, cognon l meter apede a l’economia che vegn fora da chisc dac. Mediamenter podon dir che l faturat de chest istà é smaorà dal 4 al 6%. 

La val d’istà se empienesc de jent, fosc ence massa… saon che sun chest aede jà palesà vosc pont de veduda…

Ei, noi sun chest aon fat n ragionament scerio. Ades noi aon 60 mile posć let, aon dit che del 2040 volassane 45 mile posć let per turisć e 15 mile sentadins, ades sion manco che 10 mile. Noi se tiron do critizità da egn, desche la pista per le rode e l trafich sun strada, ma no serf a nia se lamentar, cognon se meter ensema e far n projet struturà. 

De più su La Usc stampèda de vender ai 29 de setember.  (Monica Cigolla)