La Usc di Ladins

»Jir a pe: aon pech temp, na vita asvelta e se desmention de la robes più scempies che ampò ne dèsc de più« coscita la é peèda via la reflescion de Sergio Valentini, portèda dant te la pruma scontrèda de la rassegna ‘Se cognoscione?’ endrezèda da la Biblioteca de Comun de Cianacei. L prum apuntament l é peà via coi saluc del ombolt Giovanni Bernard, che à rengrazià dantdaldut Daniele Verra per la gaissa tel rencurèr la biblioteca de paisc: »Chesta l é na rassegna per se troèr te anter nos, e per descorir noscia persones«.

Belimpont l protagonist de chest enconter l é stat l alpinist che à descoret de la valuta del jir a pe, che l é ence na ocajion per descorir se enstesc. »Ti ultimes egn l é de moda fèr i ‘cammini’, troes lènc a pe che dèsc l met de jir de retorn a la origines«. Valentini à sotrissà coche chesta esperienzes sie de valuta a livel spirituèl, no per forza religious: ge vel saer se adatèr, viver l prejent zenza de etres pensieres. Jir a pe dèsc l met de pissèr sora, azetèr la situazions, spartir momenc con de autra persones.

Ensema con sia femena Edith, a peèr via dal 2019 e te 6 tapes desvalives, i à fat la Via Francigena, che da Canterbury rua enscin a Roma.

De più su La Usc stampèda de vender ai 3 de november.  (Nicoletta Riz)