La Usc di Ladins

L é n invern rich de sport, de schi, de benesser, de musega e de bon magnèr chel che l é stat prejentà en mèrtesc ai 7 de november al Organics SkyGarden Rooftop de Milan da l’Apt de Fascia e i Consorzies di impianc portamont. Tedant a na otantina de ghesć, de chisc bona pèrt giornalisć de sfoes nazionèi, l president de l’Apt de Fascia Fausto Lorenz à portà dant la novitèdes de la sajon da d’invern 2023/2024. Sun dutes i apuntamenc sportives con la doi garejèdes de SuperG de Copa del Mond de eles ai 24 e 25 de firé su La VolatA che vegnarà prejenté ence te na conferenza stampa en program a Milan ai 22 de november col Superski Dolomites e i Comitac de endrez de l’autra valèdes ladines. Enstadì l diretor de l’Apt Paolo Grigolli à rejonà del nef prodot del invern »Val de Fascia Ski Wonder«, n ski safari de na setemèna entria con n soul schipas sun duc i portoes de la val compagné dai mestres de schi a la descorida di lesc e i saores de la val. Ma no demò schi. La val sporjarà ocajions per se goder l fiorir de soreie e l’èlba coi schi, la musega ti refuges, i evenc de yoga e l bon magnèr.

De più su La Usc de en vender ai 17 de november

 (Monica Cigolla)