La Usc di Ladins

L é stat na proa de evacuazion dalbon fora de anter e più grana che l solit, fazile una de la prumes de chesta sort che se à dejout te Fascia. En sabeda passèda domesdì da les 16:15, 140 persones à tout l impiant portamont che da Cianacei mena sun Pecol: les é states spartides fora te 12 cabines, de chestes prest dutes ciarièdes deldut, con 12 persones vigniuna. Entorn les 16:30, cò scomenzèa pian pian a vegnir scur e duta la jent la era te la linea a vegnir en ju, l impiant l se à fermà.

La jent te la cabines la é stata avisèda di dans tras n avis dai autoparlanc. L é entervegnù sobito l Socors da mont de la Stazion de l’Auta Fascia, i Studafech de Cianacei e Ciampedel e la Crousc Biencia. Pian pian l é ruà duta la Stazions del socors da mont de Fascia e Fiem, l Socors da mont de la Finanza, Polizia de Stat e Carabinieres, i Pompieres de dut l Distret e amò i Polins de Fascia. En dut se à moet presciapech 140 persones a simulèr dalbon n intervent reèl.

De più sul intervent su La Usc stampèda de en vender ai 17 de november del 2023  (Nicoletta Riz)