En domenia domesdì te Chino Marmolèda de Cianacei l é stat chiamà ite la Radunanza anuèla di sozi de la Coprativa de Cianacei, con al orden del dì ence na pèrt straordenèra. Con la prejenza del notèr Alessandro Franco, i sozi de la Coprativa à aproà a l’unanimità desvalives mudaments de lege al Statut, mascima adeguaments de carater tecnich, e più tel spezifich l é stat comedà ponts soraldut respet al oget, i sozi, l patrimonie sozièl e i orghegn.
Da sotrissèr che te chesta ocajion l é stat mudà l sistem de governance, passan da chel tradizionèl a un monistich, che l é più asvelto e che l dèsc l met de sparagnèr. Belimpont l é stat metù su, al post del Colegio di sindaci, n nef Comitat per l control su la gestion che l é intern al Consei de Aministrazion.
La Radunanza é jita inant te la pèrt ordenèra, reta dal vizepresident Fernando Riz. Anter i ponts de maor valuta l é stat la prejentazion e l’aproazion de bilanz, serà su en atif ai 30 de setember del 2023.
De più su La Usc stampèda de en vender ai 9 de firé.
(Nicoletta Riz)
De più su La Usc stampèda de en vender ai 9 de firé.