La Usc di Ladins

No i à sconet sia sodesfazion, i aministradores de la Coprativa de Moena, che en sabeda ai 10 de firé tel teater parochial i ge à portà dant ai sozi i bogn dac del ultim bilanz, frut de n percors che ti ultimes egn à mudà no demò i numeres ma ence la parbuda de la sentes de la Coprativa vidèda dal president Maurizio Deville, col vizepresident Stefano Benatti e dut l Consei, che l tol ite Nicola Zanoner, Marco Ganz, Emanuela Bez, Daniela Chiocchetti e Zaira Gloder, e portèda inant da vèlch an dal diretor Tiziano Facchini.

I mudamenc stac ti ultimes egn se i veit apontin jà te la desvaliva boteighes, che les à ciapà na neva parbuda tant daite che de fora. Na parbuda che é stata compagnèda da n miorament del endrez e di studies de marketing, e aldò de chisc ence de na sistemazion desferenta per miorèr l servije. 
N percors che é stat aprijià da la jent, e chest à portà a n smaorament di clienc e ence del numer di sozi.

De più su La Usc stampèda de en vender ai 26 de firé.  (LG)