Via per l meis de jené passà cinch studenc é rué te Fascia dal Cile per tor pèrt a n projet de fradaa internazionèla anter la Scola Ladina de Fascia e l Istitut Alcide De Gasperi, na scola auta de la zità de La Serena, che la é loghèda a presciapech 500 chilometres da la capitala del stat, Santiago.
L projet é nasciù del 2019 de gra a al leam anter la Provinzia autonoma de Trent e chesta scola, che era stata metuda su acà 30 egn da migranc che dal Trentin se aea trapinà tel Sud America do la seconda vera mondièla per chierir fortuna e na vita neva. Do mingol de empedimenc per via del covid, te la setemènes passèdes chest percors de baratament internazionèl l é stat metù a jir per la terza outa.
De più su La Usc stampèda de en vender ai 16 de firé. (TZ/LG)
Dal Cile a Fascia: la fradaa va inant
Cinch studenc dal Sud America i é te Fascia, olache per 6 setemènes i pel tor pèrt a la lezions e a de autra ativitèdes coi compagnes. I jirà de retorn ai 2 de mèrz e ai 10 de jugn sarà i studenc fascegn a jir colavia.
Galaria retrac
View the embedded image gallery online at:
https://www.lausc.it/valedes-ladines/fascia/26480-dal-cile-a-fascia-la-fradaa-va-inant#sigProId26168293a0
https://www.lausc.it/valedes-ladines/fascia/26480-dal-cile-a-fascia-la-fradaa-va-inant#sigProId26168293a0
