La Usc di Ladins

En jebia ai 28 de marz l é stat n moment de festa, con legreza ma ence mingol de encresciujum. Infermieres, medizi e persone che se dasc ju tel Servije sozial e tel Distret de Fascia e Fiem se à binà per saludar e rengraziar la caposala del servije infermieristich teritorial, Lucia Dellagiacoma dal Malghèr da Poza, che l’à lascià mingol dant dal temp chest lurier, a chel che la ge à dedicà duta soa vita. Inant che pear via per n viac, Lucia Dellagiacoma l’à azetà de contar per i letores de La Usc de sia dezijion e de si projec per l davegnir, ma ence de la situazion de la sanità de anchecondì.

Peon via proprio da la festa che te é stat fat e da la dezijion che tu as tout de lasciar l lurier de caposala de

• Lucia Dellagiacoma.
•  

View the embedded image gallery online at:
https://www.lausc.it/valedes-ladines/fascia/26908-mudament-tel-servije-infermieristich-teritorial-te-fascia#sigProId55d9e16c52

le infermiere del Distret de Fascia: che peste ne dir?

Lucia Dellagiacoma: La festa l é stat proprio n bel moment, é ciapà n muie de parole che sentie sinziere, de rengraziament e de augurie, dapò canche vegne de retorn da chisc dis de viac, coi coleghes faron amò n moment de salut.
La dezijion de lasciar l lurier enveze, la é stata più senestra: mingol son contenta e mingol me endespiasc, ge é pissà n muie… Do l Covid, canche sion rué a tirar mingol l fià, é scomenzà a me pissar de far chest pas, percheche sentie che fajee fadia, mie corp me dajea segnai che l era massa robe, massa stress. Coscì jà ai prumes de dezember, proprio tel dì che fajee 38 egn de lurier, é manà la letra de demiscion. É dat l avis n muie dant, per ge dar l met de se organisar, l ultim dì de lurier sarà ofizialmenter ai 30 de oril, ma con la fin de marz son en ferie.

Podede lejer duta l'intervista e la paroles de devalpai su La Usc stampèda de en vender ai 12 de oril.

 (Lucia Gross)