La Usc di Ladins

Desgorjer i refudames produtives spezièi l é da temp n problem per la firmes de artejegn de Fascia, en particolèr per cheles mendre. Chest problem é stat tout dant ti ultimes meisc con gran empegn dal nef president di artejegn de Fascia Pierluigi Decrestina, e de gra al Servije de gestion de l’igiene urbana e ambientala del Comun General de Fascia, con la conseiera de procura de competenza Martina Pederiva e l responsabol Stojan Deville, i é do a enjignèr na soluzion.

Per ge portèr dant la neves ai artejegn de val, poder deschiarir ogne dubie e responer a la domanes, en jebia ai 12 de setember l é stat metù a jir na scontrèda te sala del Consei de Comun de Sèn Jan, a chela che à tout pèrt, apede ai jà nominé Decrestina, Pederiva e Deville, ence Alois Furlan, responsabol del Ofize ambient SAPI, e Marcello Menghini, referent del teritorie de la Sociazion Artejegn del Trentin.

De più su La Usc stampèda de en vender ai 20 de setember.  (Lucia Gross)