La Usc di Ladins

Per endrez del Istitut Cultural Ladin de Fascia, tel chèder de si 50 egn, l é stat metù fora te comun de Cianacei la mostra »Alcide De Gasperi. Album di casa«, na esposizion prejentèda l an passà tel Dì de l’Autonomia, voluda da la Presidenza del Consei de la Provinzia de Trent en colaborazion con Fondazione Museo storico del Trentino e Fondazione trentina Alcide De Gasperi. Enstadì, en sabeda ai 14 de jugn l é stat l’inaudazion, averta dal salut de la presidenta Tea Dezulian che à metù l azent sul aspet privat e intim di retrac de la fotografies. »Ti retrac se veit la persona, l é na mostra che pèrla del om tedò l politich«.
Che à spervajo la presidenta a voler portèr l’esposizion te Fascia l é stat n retrat conservà al Albergo Maria sun Pordoi che tol ju l restorant »Marmolata« de Maria Piaz fat ite per i egn Vint, olache sotvia De Gasperi l se aea firmà del 1952.

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Nicoletta Riz)