La Usc di Ladins

Le paicenade che à rendenì fort su le crepe sul Ciadenac, i raes del soreie ciaut che à enlumenà ence le ponte più aute, l ciel de n color brun fort, le ciantie, le orazion e le ousc di amisc e peconc: dut chest à fat familia, en sabeda ai 14 de jugn, per strenjer te n fort braciacol n’autra gran familia. Sa le Coronele l é stat festejà n emportant travert: 80 egn de gestion del Refuge Fronza alle Coronelle – Kölnerhütte. »Anché zelebron n travert che va sorafora l numer biot di egn – à dit Pier Paolo Trottner – anché recordon 80 egn de storia, de empegn, de pascion e de sodesfazion. Chest refuge l é stat testamonech de cater generazion che à cherdù ti valores de ospitalità, del lurier fat con le man e con l cher, del sacrifize e del respet de la natura.«

Se pel lejer dut su La Usc nr 23 dai 20 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper  (Monica Cigolla)