La Usc di Ladins

Con la nomina de Alessandro Degiampietro e de la ex procuradora Cristina Donei desche raprejentanc del Comun de Moena tel Consei General de Fascia, l é stat portà a compiment la designazion de duc i 28 componenc che, apede al procurador Edoardo Felicetti, i farà pèrt del ‘Parlament de Fascia’ ti 5 egn che vegn.

Te la litazions dai 4 de mé l era stat cernù i 16 componenc lité diretamenter dai sentadins;a des ence duc i 12 inomes en raprejentanza di 6 Comuns fascegn é ofiziai e do passa 2 meisc da la litazions  ence l Consei General pel scomenzèr sie lurier. Te sia pruma scontrèda, che é stata metuda a calandèr per en jebia che vegn ai 17 de messèl da les 20:00, l cognarà nominèr sia presidenta o president e vegnarà costituì i gropes consiliares.

Se pel lejer dut su La Usc nr 26 dai 11 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.



 (Lucia Gross)