La Usc di Ladins

Davia che la sozietà dl FC Südtirol, che vën rateda na sozietà sceria da uni pont de ududa, à bele dai ani capì che per avëi n daunì flurënt vàla dantaldut de punté sun i jëuni y la jëunes, iela stata bona de mëter su na scuadra juvenila da ti dé dl vo, che, audide audide, ie chëst ann monce ruveda tla finela nazionela a Roma.

Tlo à la jëunes dl FC Süd­tirol U19 ai 14 de juni mé perdù per 1 a 0 contra la scuadra de cësa dla Roma CF. Sot a n fiers revënt, cun la colonna de mercur che à arjont ades i 35 gradi, ne fòvel nia saurì a jughé. A auzé ora mo deplù l’arjonta dl titul de vizecampiunësses dla Talia tla categuria juniores per scua­dres, ulache la prima scuadra jughea tla serie C, ie l fat che pra l FC Südtirol fova leprò bën cin’ ladines. On nscila ulù ti damandé a Joy Senoner, una dla prutagonistes dla finela a Roma, zeche deplù n cont de si pascion y n cont dl palé turond che raida ntëur al mond dl juech al palé dl’ëiles.

Ivan Senoner

La ntervista tla edizion atuela de La Usc di Ladins.