La Usc di Ladins

Tres n conzert tl pre dl Museum Ladin Ciastel de Tor á la musizista Maria Moling, conesciüda cun l’inom d’ert Maria de Val, presenté le album nü. »Mëda Medusa« é la pröma CD da solista dla musizista da La Val, che ara á porté sön paladina te n trio cun Anna Emmers­berger y Chris Costa ai 5 d’agost.

Cun l’album debüt presentëia la polimusizista döta la paleta de so savëi musical. Deplü stii liëia l’artista cun naturalëza adöm te na collage musicala, che porta adöm componëntes dl indie­pop, dla musiga eletronica y sonns de stromënc acustics. 

»Al é na CD che liëia; sides da n punt d’odüda stilistich, ciodiche al röia adöm componëntes musicales desfarëntes, imprestades da plü stii, co ince dal punt d’odüda dl con­tignü«, dij Maria Moling.


Deplü da lí ciafëise tla ediziun nöia de chësc vëndres, ai 14 d'agost!