La Usc di Ladins

La diretëura dl Museum Gherdëina, dr. phil. Paulina Moroder, à pudù pië do la uneranza pervia de meric tl ciamp dla storia de cultura y plu avisa per i proiec de documentazion y mediazion. Sambën ons ulù da­mandé do coche la ie unida a s’l de. »Muesse dì che l fova na gran sur­preja, ajche ne sé nianca no chi che à fat mi inuem y nscila chi che à fat la pruposta. Mi prim pensier canche é audì dla uneranza, ie sambën jit al Museum Gherdëina, ajache l se trata pu de na recunescënza per l lëur fat per y tres l Museum Gher­dëina,. L ne n’ie nia mé mi lëur, ma chël de dut n team«, nscila Moroder.

Peter Trocker de Runcadic à pudù pië do la bedaia de arjënt ajache l ti à salvà la vita a n laurant dal Argentina che lëura te Gherdëina y che fova ai 30 de merz 2025 frit ora de purtoi y se ova fat dassënn mel. N cont dla festa à Trocker dit che l fova scialdi bel a pudëi jì a Dispruch, dut ie unì metù a jì a puntin y l’urga­nisazion fova drët bona.

Dut l articul deberieda cun la paroles di unerei pudëis liejer tla edizion atuela de La Usc. 

SPM