La Usc di Ladins

»De otober del 1911 l Comun de Vich ge conzet al Imperial Regio Comando militèr austroungarich de Dispruch de fèr su dotrei casermes per de otober del 1912. Ti documents del Archivie Storich de Comun l é scrit che les vegnarà fates su ‘nella località Pantel’ anter Vich e Poza.«
Taca coscita la pruma informazions che se pel lejer sul sit del Istitut Cultural Ladin su la storia de la 6 casermes o colonies de Sèn Jan, storia che ades l é stat tacà fora ence sui sie neves totem metui fora dinlongia ju i frabicac.
L’idea de endrezèr i totem nasc del 2023 en ocajion di 20 egn de la Ciasa de Paussa, da Serena Pederiva, animatora de l'APSP. L’enrescida à sobito tout ite l Museo Ladin che, con sia responsabola Daniela Brovadan, à tout su con gaissa l’endesfida de meter ensema i passa 100 egn de storia de chisc frabicac. L é stat belapontin Serena e Daniela che en vender ai 3 de otober les à prejentà l projet »Ta le Caserme« e compagnà la jent a descorir i frabicac e sia storia.

Se pel lejer dut su La Usc nr 39 dai 10 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.




 (Monica Cigolla)