La Usc di Ladins

Sun Radio Fiemme FM 104 e on demand tant sun Radio Fiemme che te la sezion Podcast de Youtube TV ladina, se pel scutèr i neves episodies de ComunicAzions, l podcast plurilingual de la Scola Ladina de Fascia.

L projet metù dant e finanzià dai Servijes Linguistics e Culturèi del Comun General de Fascia, pissà e metù ensema aposta coi dozenc de lengac de la Scola Ladina de Fascia e Radio Fiem, l ge à dat l met a 30 studentes e studenc de la classes quintes del liceo ladin di lengac de se dèr ju col lengaz ladin e coi desvalives lengac studié te clasc.
Se pel scutèr la puntates del podcast ComunicAzions sul canal YouTube Tv Ladina te la sezion podcast (link: https://youtu.be/dDAy7vQWAtw ) e sun Radio Fiemme de mèrtesc da les 11:50, de jebia da les 19:45 e de sabeda da les 16:45.


Se pel lejer de più su La Usc nr 43 dai 7 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (LG)