La Usc di Ladins

Na bela sera zenza nigoles ge à fat da cornisc chest an al tradizionèl apuntament di Feghes del Sacro Cher. En domenia ai 14 de jugn su la crepes e dintorn i paijes de noscia region se à podù veder sacotenc feghes slumenèr tel scur.
Ence chest an l Grop de Folclor da Soraga é jit sun Sas de la crousc. L president Luca Tomasello ne à contà che i era de 13: el, Paolo Pederiva, Michele Decrestina, Mattia Giuliani, Fernando Brunel, Andrea Pellegrin, Arianna, Mattias e Stefan Rosso, Erik Pellegrin, Filippo Brunel, Simone Poschiavin e Simone Dantone.
»Se aon troà via Molin da le cinch domesdì e sion jic su con trei auti fin lo dal Engacià, l piazal sot l Bait del Vedeler, se son spartì fora l magnar e l bever, le focole le era jà sun doi cracs. Tel jir en su aon fat dotrei tape ence per tirar l fià, a colpes l era bon ciaut. Entorn le set sion rué su, aon cenà, dapò aon tacà a embastir via la crousc e l cher e entorn mese le diesc aon tacà a empear su«.

Podede lejer dut su La Usc stampèda dai 19 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Monica Cigolla)