La Usc di Ladins

I servijes educatives 0-3 l é un di besegnes che ti ultimes egn se à palesà semper maor, ence te noscia Fascia.
Per responer a chest besegn la Coprativa Tagesmutter laora da n bon trat de temp e, semper per ge jir encontra a la families, acà 3 egn l é stat avert la Coa di Picioi a Soraga.
Te chest moment la coa di Picioi a Soraga la tol ite 30 bec. La Tagesmutter, te la sentes de Sèn Jan e Cianacei (la senta de Ciampedel à cognù serar percheche no l era personal a la leta) ge va encontra ai besegnes de etres 60 bec. 
Chest vel dir che presciapech 90 families olache duc doi i genitores laora se emprevèl de chisc servijes, ampò resta amò autra families che no à troà post.
Per via de chest, acà n trat l é peà via i lurieres ta Ciampedel per fèr su na neva Coa per i Picioi che, per ades, no la é amò del dut enjignèda per poder verjer. Apede, mencia na lingia de adempimenc burocratics a chi che cogn ge lurèr do tant l Comun de Ciampedel che l Comun General, descheche perauter l é stat fat enlouta per verjer la Coa a Soraga.

Podede lejer dut su La Usc stampèda dai 10 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Bernardino Chiocchetti)